Nunap inoqqaavi qitiutinneqassapput

Canadami Vancouverimi ukiuunerani aappaagu februaarimi OL-ertoqalerpat nunap inoqqaavi qitiutinneqassapput.OL-ertoqarnerani ilisarnaat atorneqartussaq tassaavoq inussuk, tallimanik ujarattalik, tamarmik immikkut qalipaasersorneqarsimasut. Qalipaatit tamarmik OL-imut ilisarnaataallutik tunngassuteqarput.

Nunap inoqqaavi suleqatigalugit medaalialiortoqarpoq, eqqilik eqqumiitsuliortoq Corinne Hunt medaalialiortuugami.

Arfeq tulugarlu medaaliami takuneqarsinnaapput, medaalialli tamarmik assigiinngissuteqarput. Pinngortitap allanngorartuunera medaaliani takutinniarneqarpoq, orpippassuit, qaqqallu ilaatigut takuneqarsinnaallutik.

Eqqillit naggueqatigiillu Inuit pinngortitamik pingaartitsillutillu ataqqinninnerat medaaliani aamma ersersinniarneqarpoq, inussullu medaaliap tunuani titartarneqarsimalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat