Nunap inoqqaavi Olympeadeqarnissamut akerliussutsimik takutitsinialerput

Kina-mi olympeadeqarnissamut ikumatitap nunarsuarmi ingerlaartinneqarneranut akerliuneq Canadami akerliussutsimik takutitsinissamik isumassarsinerivoq.

Nunap inoqqaavisa aningaasarsiornikkut atugaat iluarsiivigineqanngippata, nunamillu piginnittussaanermut apeqqut aaqqiivigineqanngippat, atukkatik pillugit ukiukkut olympeadeqarnerani nittarsaanniarlugit pilersaarput.

Akerliussutsimik takutitsinerit qanorpiaq ingerlanniarneqarnersut, akerliussutsimik takutitsinissamik pilersaaruteqarput oqaatigisinnaannginnerarpaat. Ukiukkut Olympeadeqarnerani unammisut akornusersorneqannginnissaat akerliussutsumik takutitsiniartut kajumissaarutigaat, aallalli siunnersuuteqarput, timmisartumik mittarfiit miffigineqarsinnaajunnaarlugit assersorneqassassut ikaartarfiillu aserssorneqarnissasut.