Nunap inoqqaavi nunamik piginnittuuniarput
Nunap inoqqaavi Algonquinit Quebecimi illoqarfimmi Maniwakimeersut arlaqartut Canadami eqqartuussisut qullersaannut suliassanngortitsipput nunaminertaq Canadami inatsisartut ataatsimiittarfiata eqqaaniittoq pisortatigoortumik nunap inoqqaavinit piginnittuunerannik uppernarsaqqullugu.
Nunap inoqqaavi Algonquinit isumaqarput Ottawami illoqarfiup ilaa Kichi Zibi tassaniillutik inatsisartut ataatsimiittarfiat aamma Canadami eqqartuussiviit qullersaat tamassuma nalaa nunap inoqqaavisa Algonquinit pigigaat.
AAMMA ATUARUK Trump naggueqatigiinnut inunnut tusarluarnanngilaq
Nunap inoqqaavisa nunat tamanna pigigaat qularutigineqarsinnaanngilaq, tassami ministeriuneq Trudeau ministerillu allat oqalugiarlutik aallartikkaangamik Algonquinikkut nunaanniinnertik pillugu qujaniartaramik.
Nunap inoqqaavi Kitigan Zibit tusagassiorfinnut oqaluttuarput, nunap immikkoortua tamanna illernartuusoq, nunamillu piginnittuunertik pillugu ukiorpassuarni isumaqatiginniarniartarsimagaluarlutik iluatsinneq ajormat maanna eqqartuussisunut suliassanngortikkaat.