Nunap inoqqaavi Australiamiittut utoqqatserfigineqalerput
Australiami nunap inoqqaavi, Aboriginalsit, ukiuni 100-ni utoqqatserfigineqarnissartik utaqqereerlugu maanna ministeriuninngortumit, Kevin Rudd-imit neriorsorneqarnerat naapertussangaani pisortatigoortumik utoqqatserfigineqalinnguatsiarput.
Ministeriunerusimasup John Howardip ukiuni aqqanilinni naalakkersuisuunermini, nunap inoqqaavisa Aboriginalit meerartaasa 1869-imiit 1969-ip tungaanut arsaarinnissutigineqartarneri pillugit utoqqatserusuttarsimanngilaq.
Meeqqat arsaarinnissutigineqartut qaqortumik amilinnut tunniunneqartarsimapput, Kinguariit Tillitatullu taagorneqartarlutik.
- Utoqqatsernerup imarisaa ilumoortuussaaq, isumalik malunnaatilillu, Kevin Rudd nutaarsiassaqartitsivimmut Reuters Bureaumut oqarpoq.
Australiamili nutaarsiassaqartitsiviit oqaatsip ”Utoqqatserpunga” atorneqarnissaa suli paasinngilaat, Kevin Ruddip tamanna suli aalajangiutinnginnamiuk. Rudd-ili utoqqatsinnginnermini nunap inoqqaavinik, Aboriginalinik oqaloqatigineqaqqaarumavoq.
-Eqqortumik iliornissaq pingaaruteqarluinnarpoq, Kevin Rudd oqarpoq.