Nunap inoqqaavi akimmisaartitaapput
FN-ip Nunap inoqqaavisa pisinnaatitaaffii pillugit nalunaarutip akuersissutigineqarnissaanut atatillugu, nunat angisuut indianerit nunaannik tiguaanikut, ilaatigut USA, Canada Australialu, akimmisaartitsipput.
ICC-lu sinnerlugu peqataasoq Aqqaluk Lynge tamanna pillugu ima New Yorkimit oqarpoq.
-Ukiut 3-400-t matuma siorna, nunap inoqqaavisa indianerit nunaannik tigusisimasut tiguaasimasullu New Zealandermiut, Australiamiut, Canadamiut Amerikamiullu ataatsimilluunniit nikisitassaanngillat uani apeqqummi.
-Taamaattumik apeqqutaasorujussuussaaq Afrikamiut nunat uatsinnut isumaqataasut qanoq nukittutigisinnaanerat. Kisianni ullumikkut oqartoqarsinnaanngilaq qanorpiaq taanna piumaarnersoq, septembarip tungaanut piffissaqarpugut apeqqutip aaqqinniarnissaanut.
Nunat inoqqaavi tuusintillit, New York-imi FN-ip qullersaqarfiata ataatsimiitsitsinerani peqataapput.