Nunap inoqqaavata tumaa ilisimatuunit nassaarineqarpoq

Nunarsuatsinni inuup siullerpaap, immaqa oqartarnerattuut, nunap inoqqaavata, tumaa nassaarineqarsimavoq. Nutaarsiassaqartitsivimmi Rizauimi tamanna allaaserineqarpoq.
februaarip 27-at 2009 17:08

Tumi nassaarineqartoq ukiunik 1,5 millioninik pisoqaassuseqarpoq, Kenyallu avannarpasissuani nassaarineqarluni.

Tumi qanoq soorlu ukiuni taama amerlatigisuni ataannarsimanersoq, ilisimatuut akisinnaanngilaat.

Inuulli makitasup siullerpaap - homo erektusimik ilisimatuunit taagorneqartup - assorsuaq assigisimavaatigut.

Tumimmi takutippaa, nunap inoqqaava uatsitut isigaqarsimasoq, tassa alua iluliumarngaqarlunilu takeqqatigiiaaginnangajannik inuattaqarpoq, soorunalumi putugua inuattaanit allanit takinerulluni.

- Uagutsitut pisuttarsimassasoq takuneqarsinnaavoq, suleqatigiit aqutsisuat, Matthew Benet, Bournmouth Universitytimeersoq oqarpoq.