Nunap iluatigut kussiukkat alliniarpaat
Danmarkip Teknikikkut Universitetiani, ilinniartitsisoq Karsten Arnbjerg, silap pissusaa pillugu immikkut ilisimasalik oqarpoq, siunissami sila isugutseraangat illoqarfinniit imeq avammut kuutsipallanniarlugu nunap iluatigut kussiukkat 30 procentimik allilertariaqassasut. Nunap iluatigut kussiorneq akisuupilussuuvoq, kussialli annertunerusumik kuuffiusinnaangorlugit allilinngikkaanni aamma allatigut akisoorujussuussaaq. Sanaartornissarlu koruunit milliardit sinnerlugit akeqartussaassaaq. Namminersorlutilli suliniaqatigiiffiup, erngup atornikup kussiornissaanik suliaqartup, Danva-p ingerlatsinermut pisortaa, Kristian Friis oqarpoq, naalakkersuisut erngup atornikup kussiornissaanik suliaqartsitaat, aningaasanik atugassaannik piareersimasuutitaqannginneq aarlerinartoq. Ukiut tamaasa silap isugutsernerata kingorna sillimmasiisarfiit assiginngitsutigut qarsutsinernut aningaasarpassuarnik akiliisariaqartarput, naalakkersuisutigullu aningaasaliisoqanngippat sillimmasiisarneq akitsoriartuinnassaaq, atuisartummi kisimik akiliisinneqartariaqassamata.
Danmarkimi erngup atornikup eqqakkallu nunap iluatigut kussiorneri 130 milliardi koruuninik naleqarput.