NunaOil A/S amigartooruteqaqqippoq

Allattoq Najaaraq Egede
februaarip 10-at 2006 11:04

Suliffeqarfik Namminersornerullutik Oqartussanit DONG-imillu pigineqartoq 2005-mimi 11,9 millioni koruuninik amigartooruteqarpoq. Amigartooruteqarneq ukiuni siuliinitut iinnarpoq.

NunaOil-ip amigartooruteqarnera isertitaqannginnermik peqquteqarpoq. Nunatsinni oliamik nassaartoqarpat aatsaat suliffeqarfik isertitaqartalissaaq.

Tamannalu sivisusinnaavoq.

NunaOil-imi pisortaq Hans Kristian Olsen oqarpoq ukiut qulit 15-illuunnit qaangiuppata aatsaat nunatsinni oliaqarpat qalluisoqalersinnaassasoq.

Nunatsinni manna tikillugu arfineriarluni oliasiorluni qillerisoqareerpoq. Hans Kristian Olsen-ip oqaatigaa, Danmarkimi aatsaat 60-it 65-illu akornanni qillerisoqareermat aatsaat oliamik nassaartoqartoq.