Nunanut siuarsarniakkanut aningaasat iluaqutaanavianngitsut
Suliniaqatigiiffik Oxfarm tassaavoq suliamut tunngasumik pappiaqqanik uppernarsaatinik nassaarsimasoq, Oxfarmillu oqarnera malillugu pappiaqqat uppernarsaatit takutippaat EU-p aningaasat nunanut siuarsarniakkanut ikiuutineersut tigussallugit piareersimasoq. Aningaasat taakkua nunani siuarsarniakkani napparsimmavinnut atuarfinnullu atorneqartussaagaluarput, aningaasat piitsunit tiguneqassapput silap allanngoriartornera akilerniarlugu, taama oqarpoq.
Rob Bailey Oxfarm sinnerlugu nunanut tamanut oqaaseqartartuusoq.
- EU aappaagumiit aningaasat milliardillit nunanut siuarsarniakkanut tunniunniarlugit pilersaaruteqareerpoq, iluaqutaavallaarnavianngilarli aningaasat nunanut siuarsarniakkanut ikiuutinit allaneersuussappata, Green Peacemeersoq, Jon Buchwald oqarpoq.
- Eqqortumik iliortoqassappat aningaasat 18-ianni piareersimasussat tamarmik taakkualuunniit amerlanersaat nunanut siuarsarniakkanut ikiuutinit tiguneqassapput, tamannalu nunat siuarsarniakkat isumaqatigiissutip atsiornissaani isumaqatiginavianngilaat.
EU-lli isumaqatiginninniartartuisa pisortaat ualimut Bella Centerimi tusagassiortunik katersortitsivoq taannalu radioaviisip aperaa aningaasat milliarderpassuit taakkua ilumut nutaamik aningaasaliissutaanersut.
- Aap, tamatumani nutaanik aningaasaliissuteqartoqassaaq, qasserpiaanerilu nassuiarniassallugit ajornakusuussalluni, ineriartortitsinermut ikiuutit silallu allanngoriartorneranut ikiuutit akornanni killiliussaq ersarippallaanngilaq, Anders Thursson EU-mi sila pillugu isumaqatigiissitsiniartoq oqarpoq.
EU-p silap allanngoriartorneranut aningaasaliissutaasa nunanullu ineriartortinniakkanut ikiuutaasa erseqqissumik avissaartinneqarnissaat Osfarmip kissaatigaa.
