Nunanut allanut unammisartut sungiusaasuat: Kukkusumik pilersaarusiorsimavugut
Nunanut allanut unammisartut ilaat makitsinermi iluatsitsivallaanngillat, nunammi nukittunerpaajusut, soorlu Rusland Bulgarialu unammisussanngoramikkik.
Nunanut allanut unammisartut sungiusaasup, Lauritz Heilmannip, aamma nammineq unammisartuusup, tamatumuuna kukkusumik pilersaarusiortoqarsimaneratut nalilerpaa.
- Oqimaassutsini assigiinngituni unammisartut ataasiakkaat nikititertariaqarpagut, oqimaannerpaanut peqataannginniassagatta, unammisartuvummi oqimaannerpaani oqinnerpaasutut inissisimaleratarsinnaanerat ajutoorutigisinnaagatsigu, nunanut allanut unammisartut sungiusaasuat oqarpoq.
Europami pissartanngorniunnerit tullissaat ukioq ataaseq qaangiuppat Hvideruslandimi ingerlanneqassapput. Lauritz Heilmannillu ilisimatitsissutigaa Kalaallit Nunaat iligiikkuutaarluni unamminissanut immikkoortunullu amerlanerusunut peqataatitaqassasoq.
Ukiormanna medaaliannattut tassaapput Lauritz Heilmann 'Tul'-imi kuultinnattoq, Angutinnguaq Tittussen silvinnappoq Johan Peter Halsøelu Tina Nikodemussenilu bronzennallutik.
