Nunanut allanut tunngasut atsioqatigiissutigineqassapput

Nunatsinni nunanut allanut tunngasunut naalakkersuisoq Josef Motzfeldt aamma dansket nunanut allanut ministeriat Per Stig Møller Namminersornerullutik Oqartussani Nuummi aqagu ataatsimeeqatigissapput.

Ataatsimeeqatigiinnermi nunatsinni nunanut allanut allaffeqarfiup Danmarkimilu nunanut allanut ministereqarfiup suleqatigiissutissai atsioqatigiissutigineqassapput.

Suleqatigiinnissaq piviusunngorpoq inatsit Naalakkersuisut inuiaat allat inatsiseqartitsinerannut tunngasunik isumaqatigiissuteqarsinnaalernerasigut.

Isumaqatigiissutissaq ilaatigut Kalaallit nunaat pillugu siunissami Nunani allanut minisrerqarfimmutataqatigiissutut Atlantikup avannaani allattoqarfiup nukittornsarneqarnissaanik, kiisalu ilinniaretitaanermi paarlaaqatigiittoqartarnissaanik nutaamik tunngaviusumik isumaqatigiissuteqartoqarnissaanik imaqarpoq.

Tamatuma saniatigut Josef Motzfeldtip Per Stig Møllerillu isumaqatigissutigissavaat allaffissornikkut oqalliffimmik pilersitsoqarnissaa.

Nunanut allanut naalakkersuisoq nunanullu allanut ministeri aqagu ualikkut sisamanut atsioqatigiissapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat