Nunanut allanut tunngasunut ministereqarfik atorfilittanik Pentagoniliartitsisoq

Danskit nunanut allanut tunngasunut ministereqarfiata Pituffik pillugu assortuussutaasoq aaqqiissuteqarfiginiarlugu atorfilittat qullersat pingasut Washingtonimi Pentagonimut ullumi pingasunngornermi aallartippai.

Allattoq Helle Nørrelund Sørensen

marsip 11-at 2015 06:10

Nutserisoq Simon Uldum -

Aviisi Jyllands-Posten taama allaaserisaqarpoq.

Atorfilittat pingasut aallartinneqartut tassaapput issittoq pillugu aallartitaq Erik Vilstrup Lorenzen, inatsiseqarnermut immikkoortortami pisortaq Jonas Bering Liisberg aamma EU-mi aallartitaasimasoq nunanullu allanut politikkimut pisortaasimasoq Kim Jørgensen.

AAMMA ATUARUK Tusagassiuut: USA-p Pituffik pillugu akerleriinnermi Danmark itigartippaa

Taakku tamarmik suliumannittussarsiuussineq aallaqqaataaniilli suleqataaffigisimaavaat, kingullertullu taaneqartoq - Kim Jørgensen - suliffeqarfiit Pituffimmi sullisserusuttut akuerineqartarnerisa USA-mut tunniunneqarneranik allakkiamik pisortatigoortumik atsiortuuvoq.

Ataatsimiinnermi Nunatsinnit aallartitanik aamma peqataasoqassaaq.

Aamma atuaruk Lidegaardip USA peqquaa Pituffiup kiffartuunneqarnissaanik isumaqatigiissut unitseqqullugu

Ataatsimiinnerup siunertaraa Pituffimmi sakkutooqarfimmi suliassanut danskit kalaallillu suliffeqarfiinik atuinissamik Danmarkip USA-llu akornanni politikkikkut isumaqatigiissutaasumik amerikamiut sakkutooqarfiata unioqqutitsisimanera USA-mit nassuerutigitinniarnissaa.

AAMMA ATUARUK USA-p Pituffimmut tunngatillugu ilisimatitsissuteqarnera ministereqarfiup tusaanngitsoorsimagaa