Nunanut allanut politikki pillugu nassuiaat inatsisartuni saqqummiunneqassaaq

Danmarkimi nunanut allanut ministerip Per Stig Møllerip nunatsinnilu nunanut allanut naalaakkersuisup Josef Motzfeldtip nunanut allanut politikki pillugu nassuiaat 2005-imoortoq atsiissavaat. Neriuutigineqarporlu Per Stig Møller EU-mut aalisarnermi isumaqatiginninniarnerni peqataanerulernissaa.

Aningaasanut Nunanullu Allanut Naalakkersuisup Josef Motzfeldtip Nunanullu Allanut Ministerip Per Stig Møllerip, Pisortaqarfiup nunatsinniittup Ministereqarfiullu akornanni suleqatigiinnissamik isumaqatigiissut allaffisornermut tunnganerusoq ullumi atsiussavaat.

Nunatsinniit neriuutigineqarpoq, Danmarkip EU-mi ministerit ataatsimiititaliaanni ilaammat Danmarkip nunarput EU-mut aalisarnermut isumaqatigiinniarnermi peqataalernissaa.

Per Rosing Petersen Inatsisartut Nunanut allanut, illersornissamullu ataatsimiititaliami siulittaasoq oqarpoq, isumaqatigiissut allaffissornikkut tunngasuunerusoq inatsisartut sunniuteqarfigingaarnavianngikkaat. Per Stig Møllerip inatsisartut ataatsimiittarfianeereeruni Nunanut allanut illersornissamullu ataatsimiititaliaq ataatsimeeqatigissagaa Per Rosing Petersenip ilanngullugu oqaatigaa. Nunatsinnit neriuutigineqarpoq EU-mut aalisarnermi isumaqatiginninniarnerni Danmarki peqataasarnerulernissaa.

Isumaqatigiissutip aamma ilaatigut imaraa, Qallunaat ambassadeqarfiini Namminersornerullutik Oqartussat sinniisaasa suliatigut Namminersornerullutik Oqartussanut nalunaaruteqartarnissaat erseqqissarneqartoq. Ilinniartitaaneq paarlaateqatigiittarnerlu pillugit isumaqatigiissut nutaamik akaareqatigiinneq tunngavigalugu tunngavilerneqassasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat