Nunanut allanut naalakkersuisoq ataatsimeeqatiseraat
Naalakkersuisunut ilaasortaq Aleqa Hammond, CIA-p tigusanik angallassisarneragaanermini Kalaallit Nunaata silaannartaanik atuisarsimasinnaanera pillugu Inatsisartut Nunanut Allanut Sillimaniarnermullu Ataatsimiittaliaanit isumasioqatigerusunneqarpoq.
Ataatsimiititaliami ilaasortaq Josef Motzfeldt Inuit Ataqatigiinnersoq ima oqarpoq:
- Danskit naalakkersuisuisa Amerikamiut Danmarkimi aallartitaqarfiannut 2003-mi oktobarimi allagaat najoqqutaralugu, 2001-imi Amerikamiut ukiumi ataatsimi atuuttussamik akuersissummik tunineqarput. Taamanikkut Washingtonimi Londonimilu saassussereernerup kingornatigut NATO-mi ilaasortat tamarmik USA-mik tapersersuiumallutik nalunaarmata.
Nunanut allanut Naalakkersuisoq Aleqa Hammond Amerikamut angalavoq, Københavnimiinnerminilu danskit nunanut allanut ministeriat Per Stig Møller Kalaallit Nunaata silaannartaanik atuineq pillugu oqaloqatigissavaa. Inatsisartut Nunanut Allanut Sillimaniarnermullu Ataatsimiititaliaata Nunanut allanut naalakkersuisoq Aleqa Hammond maajip 13-anni ataatsimeeqatigissavaa.
