Nunanut allanut ministeri isumasioqatigerusuppaat

Folketingip nunatsinnut tunngasunut ataatsimiititaliaata nunanut allanut ministeri Per Stig Møller, 1968-imi Pituffiup eqqaani timmisartorsuup qaartartorsuarnik usilluni nakkarneranut atatillugu BBC-p samminninnera pillugu isumasioqatiseraa.
Allattoq Elisa Isaksen
januaarip 05-at 2009 16:59

Sermitsiap nittartagaani allaaserineqarpoq, Per Stig Møllerip Amerikamiut timmisartorsuata nakkarnera nassuiaateqarfigissagaa, tamatumunnga ilanngullugu paaserusunneqarluni pisimasoq pillugu qallunaat naalakkersuisui qanga ilisimatinneqarsimanersut, tamatumunnga ilanngullugu timmisartorsuup qaartartorsuarnik brintbombenik usinera ilisimatitsissutigineqarsimanersoq.

Apeqqut alla tassaavoq, Pituffiup eqqaani immap naqqani qaartartorsuarmik suli nassaarineqanngitsumik suli peqarnersoq, kiisalu pisimasup tamakkiisumik qulaajarneqarnissaanut danskit naalakkersuisui sunik suliniuteqarniarnersut, tassa Amerikamiut illersornissamut ministereqarfiata paasissutissat kingulliit suli oqaaseqarfigiumanngittuarsinnarmagit.

Isumasioqatigiinneq Christiansborgimi pingasunngorpat januaarip arfineq aappaanni ingerlanneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq