Danskit nunanut allanut ministeriata, Jeppe Kofodip (S), USA-p Kalaallit Nunaatalu Kalaallit Nunaanni suliassaqarfinnut assigiinngitsunut aningaasaliissuteqarnermut isumaqatigiissutaat illersorpaa.Assi: Scanpix

Nunanut allanut ministeri: Danmarkimi politikerit arlallit Kalaallit Nunaannik ataqqinninnerusariaqarput

Folketingimi partiit SF aamma Det Konservative Folkeparti Naalagaaffeqatigiinnnerup isumaanik paatsuuipput. Danmarkip nunanut allanut ministeria Jeppe Kofod (S) taama isumaqarpoq.

Politikerit USA-p 83 millionit koruuninik nunatsinnut aningaasaliissuteqarnissaanik nunatta akuersisimaneranik isornartorsiuisut ajorsitsaariniartutut taassuma aviisimit Politikenimit apersorneqarnermini oqaatigaa.

Aningaasammi takornariartitsinermut, ilinniartitaanermut aatsitassallu pillugit suliniutinut atorneqassapput, suliassat nunatta nammineq akisussaaffigilernikuusai.

Danmarkimilu politikerit tamanna ataqqisariaqaraat, Jeppe Kofod oqarpoq.

AAMMA ATUARUK Kinamiut aallartitaat: USA-p Kina Kalaallit Nunaannut tunngatillugu atornerluppaa

- Suliassaqarfiit Kalaallit Nunaata akisussaaffigileriigaanut tunngasunut aalajangiisuusussaanngilagut suut Nuummut Kalaallit Nunaatalu sinneranut iluaqutaasinnaassanersut, Politikenimut oqarpoq.

USA-lli Kalaallit Nunaannut aningaasaliissuteqarnissaanut isumaqatigiissut Danmarkimi naalakkersuisut suleqatigalugit ataqatigiissaarneqartoq, Jeppe Kofodip uppernarsarpaa.

Danmarkimili politikerit ilaat Naalagaaffeqatigiinnerup isumaanik ataqqinninnerusariaqartut taanna isumaqarpoq.

AAMMA ATUARUK Partiit minnerusut USA-mut isumaqatigiissut pillugu: Ernumavugut

USA-p Kalaallit Nunaatalu isumaqatigiissutaat Karsten Høngemit SF-imeersumit Rasmus Jarlovimiillu Det Konservative Folkepartimeersumit ilaatigut isornartorsiorneqarpoq. Taakku isumaqarput, USA Kalaallit Nunaannut aningaasaliissuteqarnikkut Kalaallit Nunaata Danmarkillu akornanni sunniuteqarneruniarsarisoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat