Nunanut allanut ministeri Aleqap ataatsimeeqatigaa

Naalakkersuisut siulittaasuata, Aleqa Hammondip, Danmarkimi nunanut allanut tunngasunut ministerertaaq, Martin Lidegaard, Københavnimi siullermeerluni ippassaq ataatsimeeqatigaa.
Allattoq Hagen Højer Christensen, Elisa Isaksen
marsip 13-at 2014 05:12

Issittumi suleqatigiinneq, EU-p Kalaallit Nunaatalu peqatigiillutik suleqatigiinnissamik isumaqatigiissutaat, aamma Kalaallit Nunaanni aatsitassarsiornermut tunngatillugu aningaasaliisussanik kajumissaarinissaq pillugu suleqatigiinnissaq, ataatsimiinnermi immikkut ittumik qitiutinneqarput.

Namminersorlutik Oqartussat tusagassiuutinut nalunaarutaat aamma upperissagaanni, Aleqa Hammondip Martin Lidegaardillu ataatsimeeqatigeeqqaarneranni naalakkersuinikkut qaninniartoqarpoq.

- Nunanut allanut tunngasunut ministerimik siullermeerlunga ataatsimeeqateqarninni takusinnaalereerpara, ministeri Kalaallit Nunaata naleqartitaanut soqutigisaanullu pitsaasumik paasinnittaaseqartoq. Naalagaaffeqatigiit sinnerlugit tamatuma neriulluartilerpaanga, qularinngilara piffissami aggersumi qallunaat kalaallillu ataatsimoorlutik aalajangersimasunik suleqatigiissuteqarnissaannik tamanna kinguneqassasoq, Aleqa Hammond oqarpoq. Taassuma nunanut allanut tunngasunut ministerip Kalaallit Nunaannut piffissami qaninnermi tikilluaqqunissaa

Aamma atuaruk