Nunanit avannarlerneersut tikeraat
Nunat avannarliit siunnersuisoqatigiivisa kulturimut ilinniartitaanermullu ataatsimiititaliaanni ilaasortat ulluni makkunani Nuummiipput, sisamanngornerup tungaanut tamaaniissallutik.
Paasiniagassaasa ilagaat nunatsinni ilinniartitaanermi ilisimatusarnermilu pissutsit. Ilinniarfiit arlallit pulaarneqassapput soorluttaaq eqqumiitsuliortut arlallit pulaarneqassasut.
Inatsisartut siulittaasoqarfiat tikeraanik ullumi tikilluaqqusilluni nereqatigiissitsissaaq, ullunilu tullerni pisussat ilagaat Nunat avannarliit siunnersuisoqatigiinneersut, nunatsinni inatsisartut kulturimut, ilinniartitaanermut, ilisimatusarnermut ilageeqarnermullu ataatsimiititaliaanik ataatsimeeqateqarnissaat.