Nunanit allanit pisisalertariaqassapput

- Upernaviup Kommunea puisit amiinik tuniniaasalissappat, uagut amminik nunanit allaniit pissarsiortariaqassaagut. Upernaviup Kommunea umiarsuarmik puisinniummik peqalernissaminik ammerivimmillu pilersitsinissamik saqqummiussereersorlu Ammerivimmi siulersuisut siulittaasuat Anders Brøns oqarpoq.

-Kommuni nammineq suliniummi siuttuunngilaq, suliniutilli aallartisarniarneqarnerani ikiuulluni, Upernaviup Kommuneani borgmesteri, Jens Immanuelsen, oqarpoq.

Pilersaarutit ingerlanneqarluareerput suleqatigineqarsinnaasullu upernariartornerani kommunip ataatsimeeqatigereersimavai. Upernaviup kommuniani aalisartut piniartullu tunisassiorneq ingerlatissagaat eqqarsaataavoq.

Upernaviup Kommunia Aammerivimmut Great Greenlandimut unammillertinngussagaluarpat ammeriviup Namminersornerullutik Oqartussaniit tapiissutisiarisartakkami ilai annaasinnaavai.

Great Greenland qanoq pissanersoq Anders Brønsip iserfigiumanngikkallarpaa, Upernavimmi pilersaarutit qanoq ingerlassanersut paaseqqaarusukkamiuk.