Nunanit allanit

Nunanit allanit. Sverige nutaamik nunanut allanut miniaterertaarpoq Jan Eliasson, naalagaaffiit Peqatigiinni siuttuuffeqartoq. Jan Eliassonip taarserpaa, nunanut allanut ministeriusimasoq Laila Freivalts, taanna muuamaamik titartakkat pillugit oqaaseqarsimanini tunngavigalugu tunuarpoq.

Ukrainemi inatsisartunut sapaatiummat qinersinerup inernerata takutippaa Ukrainep massakkut præsidenterisaa Viktor Jusjtjenko partiialu kinguariaateqangaatsiartut. Qinersinerup kingorna partiit Inatsisartunut isertitaqartut isumaqatigiinniarneri aallartipput, partiillu kingullermik naalakkersuisuutitaqalersut naalakkersuisooqatigiit Orangemik taagortut ingerlaannassagunarput. Jusjtjenkomulli unammillertup arnap Julia Timosjenkop ministeriuninngortinneqarnissaa ilimagineqarpoq.

Tyskit Hollandimiullu Europamioqatiminni tamanit pikkorinnersaapput, taakkununnga tulliupput Polenimiut pingajuullutillu svenskit. Taama ilisimassuseq pillugu Irelandimi Ulsterimi ilisimatusarfik paasisaqartoq, Tuluit aviiasersuat The Times aallaaserinnippoq.

Tyskit Hollandimiullu Europami pikkorinnerpaajunerarneqartut ilisimassutikkut uuttortaaneq IQ malillugu 107-inik pointinnapput. Danskit Finlandimiut Belgiemiullu 99 poinnginnapput.