Assi: Zach Korb/Flickr Creative Commons

Nunanit allaneersut suliartornissaannut suliat sukkanerunissaat politikerip kissaatigaa

Nunani allaneersut nunatsinnut suliartornissaannut suliat immikkut sukkasuumik suliarineqartalertariaqartut, Aaja Chemnitz Larsen isumaqarpoq. Isuma ministeriunerup ammaffigaa.

Nunatsinni suliffissaaleqisukippoq, taavalu ingerlatseqatigiiffiit pisortallu suliffeqarfiutaat sulisussaaleqillutik.

Assersuutigalugu aalisakkanik tunisassiorfinni sanaartornermillu suliallit arlallit nunani allaneersunik maanna sulisoqartiterput.

Sulisussanillu ilinniarsimasunik pisariaqartitsineq ukiuni aggersuni alliartuinnassaaq, ingammik sanaartornermi, Nuummi Ilulissanilu mittarfiit allilerneqassammata, Qaqortumi mittarfiliortoqassalluni Nuummilu  Siorarsiorfimmik suliniut sulissutigineqarluni. 

AAMMA ATUARUK Royal Greenlandip nunaqavissunik sulisussarsiniarneq ajornartorsiutigigaa

Taamaammat nunani allaneersut nunatsinni sulilernissaannut akuersissutit Danmarkimi nunani allamiut pillugit aqutsisoqarfikkoortumik suliarineqartarnerisa eqaannerulernisaat, IA-meersup Aaja Chemnitz Larsenip kissaatigaa. Assersuutigalugu nunani allaneersut Savalimmiunut suliartorniartillutik, sukkasuumik ullumi sullinneqartarnerat periarfissaasinnaavoq.

- Nunatsinnut tunngatillugu aamma misissussallugu soqutiginarsinnaavoq. Tamanna ministeriunerup misissorusussinnaavaa? Folketingimut ilaasortaq IA-meersoq Folketingimi decembarimi nalunaaquttap akunerani apeqquteqartarfiutillugu aperivoq.

Løkke: Siunnersuummut ammavoq

Nunatsinni suliffeqarfiit nunani allaneersunik sulisoqarumatillutik kommuniniit ullumikkut akuersissummik piniaqqaartarput. Tamanna inatsit 1992-imeersoq, kalaallit suliffinnut salliutitaanissaannik qulakkeerinnittoq, tunngavigalugu pisarpoq. Tassalu kalaallinik suliamik naammassinnissinnaasumik sulisussaqanngikkaangat aatsaat kommuni akuersissummik tunniussisinnaavoq. Taava nunami allamioq nunatsinni sulinissamut akuersissummik Danmarkimi nunani allamiut pillugit aqutsisoqarfimmut nammineerluni qinnuteqassaaq.

AAMMA ATUARUK Sulisussat amigaatigineqartut aaqqiiviginisaanut suleqatigiittoqartariaqartoq

Savalimmiulli nunat allamiut pillugit aqutsisoqarfiup qinnuteqaatinik suliarinnilertortarnerannut ilaapput. Tassalu savalimmiuni suliffeqarfiit

EU-meersunik EU-llu avataaneersunik sulisoqarnissamut qinnuteqaraangamik, aqutsisoqarfimmit akuersissummik pissarsiaartarput.

Ministeriuneq Lars Løkke Rasmussenillu (V) nunatsinni sulianik sukkasuumik suliarinnittarsinnaanissaq misissorusuppaa.

- Tamatumunnga ammallunga naammassinnikkumallungalu oqaannarusuppunga, ministeriuneq oqarpoq danskillu nunani allamiunut akuulersitsiniarnermullu ministeriannik, Inger Støjbergimik (V) oqaloqateqarnissaq innersuussutigalugu.

Sulisussaaleqisarnerulli piffissami ungasinnerusumik iluarsiiffiginiarnerani nunatta innuttaasut amerlanerusut ilinniagaqarnissaat ukkatarisariaqaraa, Aaja Chemnitz Larsenip ministeriunerullu tikkuarpaat.

AAMMA ATUARUK Vores medlemmer mangler over 900 medarbejdere

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat