Nunanik sanilerisatsinnik aalisarnikkut isumaqatigiissuteqartoqartoq

Aalisarnermut Naalakkersuisoqarfik nunanik sanilerisatsinnik aalisarnikkut ulluni makkunani isumaqatigiissuteqarpoq.

Norgemik Ruslandimillu isumaqatigiisuteqarnerit Aalisarnermut, Piniarnermut Nunalerinermullu Naalakkersuisoqarfiup maanna 2019-imut aalisarnissaq pillugu EU-mut, Savalimmiunut, Norgemut Ruslandimullu isumaqatigiissutissat naammassivaat malitsigisaanillu isumaqatiginninniarnerni angusarineqartut akueritissimallugit, Namminersorlutik Oqartussat tusagassiuutinut nalunaarutaani atuarneqarsinnaavoq.

AAMMA ATUARUK Savalimmiut aalisarneq pillugu isumaqatigiissuteqarfigineqartut

Sapaatip akunnerata siuliani Norge Kalaallit Nunaallu  aalisarneq pillugu isumaqatigiissummik 2019-imi atuuuttussamik isumaqatigiissuteqarput kalalalillit aalisartui norgep imartaani aalisarsinnaanerannik taamaatullu norgemiut kalaallit imartaani aalisarsinnaaneranik.

Illuatungeriit isumaqatigiissut 2018-mi atuuttup allannguuteqarani 2019-mi ingerlateqqinneqarnissaa isumaqatigiissutigaat.

AAMMA ATUARUK EU aalisarneq pillugu isumaqatigiissuteqarfigineqartoq

Kalaallit aalisartui Norgep imaartaani saarullinnik, misarnanik, saaruliusaanillu aalisagartassinneqarput, Norgemiut kalaallit nunaata kitaani tunumilu qaleralittasinneqarlutik.

Sapaatip akunerani kingullermi Kalaallit Nunaat Ruslandilu aalisarnermut isumaqatigiissuteqarput. 
Tassani aalajangerneqarpoq  Kalaallit Nunaat 2019-imi Barentshavimi misaqqarnartassai 53 tonsinik ilaneqassasut , saarullittassallu 284 tonsinik ikilisinneqarlutik biologit siunnersuinerata appariaateqarsimanerat pissutigalugu. 

Nunatta Barentshavimi raajartassat 500 tonsit suli pisassarissavai. Russit Tunumi suluppaagartassaat 150 tonsinik ikilineqarput, qaleralittassallu allannguuteqaratik 400 tonsiussallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat