Nunani EU-mi ilaasortani qulini coronap tuniluunnera ernummatigineqartorujussuuvoq
Corona nunani EU-mut ilaasortaasuni tuniluuttorujussuuvoq, taamaattumik taakkunannga nunani qulini aarlerinartorujussuartut naatsorsuutigineqalerpoq
Taama naliliivoq Europami qitiusumik nappaatinik pinaveersaartitsivik, ECDC. Pinaveersaartitsivik nalunaarummini ima allappoq.
- Tunillatsittut amerlasoorujussuupput tuniluunnerlu sukkasoorujussuulluni toqusullu amerliartoraluarlutik ikittunnguupput.
Akiuussuserneqartarnerup tuniluunneq siuaruatsaaliorpaa
Nunani qulini piffissami kingullermi tuniluunnerit ernumanartorsiorfiunerusut tassaapput, Belgien, Bulgarien, Estland, Grækenland, Holland, Kroatien, Tjekkiet, Ungarn, Polen aamma Slovenien.
Nunani EU-mi ilaasortaani qulini allani tuniluunneq ernumanarsiartortutut nalilerneqarfiusut pineqartut ilaatigut tassaallutik Danmark, Finland, Tyskland aamma Norge, Norge EU-mut ilaasortaanngilaq.
Italiami Maltami Spaniami Sverigemilu corona ernummatigineqanngilaq .
Nappaatinik pinaveersaartitsiviup ECDC-ip qulakkeerlugu oqaatigaa, nunani tuniluunnerpaaffiusuni akiuussuserneqarsimasut ikittuinnaanerat pissutaasoq .
ECDC ilanngullugu allappoq, coronamik tunillatsittut nalunaarutigineqarneqartarnerat aamma coronamik tunillatsissimanerminnik toqquteqartut kiisalu napparsimmavinnut unitsinneqartartut sapaatit akunnerini tulliuttuni marluni amerleriarnissaat naatsorsuutigineqartoq