Nunani avannarlerni suleqatigiinneq nukittorsarneqassaaq

Nunani avannarlerni suleqatigiinnerup nukittorsarnissaa Kalaallit Nunaata nunanut allanut politikkeqarneranut ilaavoq. Tamanna ”Naalakkersuisut nunanut avannarlernut periusaannut nassuiaat” pillugu saqqummiussami erserpoq, tamannalu ullumi inatsisartuni oqaluuserineqarnissaa naatsorsuutigineqarpoq.
Allattoq Jaaku Lyberth
oktobarip 22-at 2009 12:42

- Assersuutigalugu nunani avannarlerni issittoq pillugu apeqqutini pitsaasumik oqaloqatigiissinnaaneq, Nunani Avannarlerni Siunnersuisoqatigiinni suleqatigiinnerup nukittorsarnissaanut tunngasut ilagaat.

Taamaattoq nunat tamat akornanni suliniaqatigiiffinnut, soorlu EU-mut, nunat avannarliit sunneeqataasinnaanerat periarfissatut naalakkersuisut aamma isigaat, nunani avannarlerni suleqatigiinneq pillugu naalakkersuisuisuni ilaasortaq Palle Christiansen taama allappoq.

Taassumallu nunani avannarlerni suleqatigiinnermi kalaallit malunniuteqarnerulernissaat pillugu anguniangaa, kalaallinut nunani avannarlerni ilinniartunut sulisunulluunniit iluaqutaassaaq.

Nunani Avannarlerni Siunnersuisoqatigiit Stockholmimi oktoberip 27-niit 29-ianut tullianik ataatsimiissapput, taamaattumik ilaatigut tamanna peqqutigalugu sapaatit akunneranni tassani inatsisartut ataatsimiinnertik unitsikkallassavaat.

Olga P. Berthelsen Inuit Ataqatigiinniit, kiisalu Aleqa Hammond Siumumiit, nunarput sinnerlugu peqataassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq