Nunani Avannarlerni siulittaasuuffissaq Danmarkimiit pilersaarusiorneqalerpoq

Nunat Avannarliit ministeriisa Siunnersuisoqatigiiffianni siulittaasuuffik Danmarkimit 2015-mi tiguneqarpat aningaasarsiornikkut siuarsaaneq, atugarissaarneq aamma naleqartitat suliniutigineqassapput. Tamanna nalunaarutigineqarpoq, Nunat Avannarliit ministeriisa Siunnersuisoqatigiiffiata 66-issaanik Stockholmimi ulluni makkunani ataatsimiinneranni.

Ataatsimiinnermi ministeriunerit, ministerit, naalakkersuisuni partiit suleqatigiit, illuatungiliuttut siulittaasuilu naapeqatigiittarput.

Danskit Nunanut Avannerlernut tunngasunut ministeriat, Carsten Hansen ataatsimiinnerup nalaani ima oqarpoq.

- Aningaasarsiornikkut siuarsaanissamik suliassaq pingaartinneqartorlu suliarissallugu qilanaaraara. Nunani Avannarlerni nunat immikkoortuini aningaasarsiornissamut ajoqutaaasinnaasut tamaasa iluarsartuunnissaat sulissutigissavarput, Carsten Hansen oqarpoq imalu nangilluni.

- Nunat Avannarliit pitsaasumik avataaniit isigineqalernissaat anguniarlugu suliassaraagut nukissiuutit ataavartut, nukissiuutit naliginnaaasut silallu pissusaata allanngoriartorneranut tunnagsut pilersaarusiorneqarnissaat, ministeri Carsten Hansen oqarpoq.

Taassuma aamma oqaatigaa, Nunat Avannarliit suleqatigiinneri pitsaasut ukiumullu innuttaasumut ataatsimut 40 koruuneqartartoq, nunanit allanit ilisimaneqarnerulernissaa sulissitiginiarlugu.