Nunani avannarlerni sinerissami nakkutilliisut Ilulissani ataatsimeersuartut
Ilulissanilu ingerlanneqarnera issittup imartaata nunanit tamalaanit soqutigineqaleraluttuinnarneranik pissuteqartoq ataqatigiissaarisoq Carsten Schmidt oqarpoq:
-Soorunalimi issittup imartaata isiginiarneqaleraluttuinnarnera kikkullu imartanik piginnittussaatitaanerat, aammalu qalasersuup aakkiartornera ilutigalugu umiarsuartigut angallaffiunerulertussaanerata pisullu eqqartorneqaruttulerneranni, ajornartorsiutaasalertussat siumungaaq sillimaffiginiartussaavagut, taamaammat ataatsimiinnerup saniatigut sungiusarnerit ingerlanneqassapput Canadap USA Islandip Danmarkillu peqataaffigisaannik. taamaammat aajuna Canadamiut nakkutilliissutaat umiarsuaq aamma tikippoq.
Nunani avannarlerni sinerissamik nakkutilliisut oqalliffianni ataqatigiissaarisoq Carsten Schmidt oqarpoq.
Kalaallit nunaannut ukiuni kingullerni umiarsuit takornariartaatit tikittartut amerliartuinarneri pissutigalugit issittut imartaani annaasiniarneq ajutoortoqartillugulu mingutsutsinaveersaarnissaq sungiusarneqartussanut ilaapput.
Ataatsimiinneq naalakkersuisunit peqataaffigineqanngilaq.
