Nunani avannarlerni nunat siuttui Stockholmimi katersuupput
Nunani avannerlerni tamani inuusuttut suliffissaaleqinerat assigiissuteqartoq Aleqa Hammond-ip maluginiarpaa.
- Nunanni avannarlerni ajornartorsiutigisartakkagut assigiissuteqarput, uani inuustuttut suliffissaaleqinerat pineqaraangat, Aleqa Hammond oqarpoq.
- Nunani avannarlerni misilittakkat atortariaqarpavut tamatumunngalu ilutigalugu sulissutigissavarput inuusuttortatta nunani avannarlerni ilinniarnermut periarfissat aamma atortarnissaat aammalu nunani avannarlerni suliffeqarneq tamaat isigalugu misilittagaqalernissaq piginnaasaqalernissarlu eqqarsaatigalugit.” Aleqa Hanmmond oqarpoq.
Inuusuttut tassaapput toqqammavigisassat, Kalaallit Nunaata siunissami imminut atasinnaasumik toqqammavigisassai, tamannalu pingaaruteqarpoq, ilinniarnissaq suliffimmilu sungiusaatigalugu periarfissaqartinneqarnissaasa qulakkeerneqarnissaat nunatut aatsitassarsiorfittut ikaarsaalernermi, soorlu taama Kalaallit Nunaanni kinguaariinni tullinnguuttuni pilersoq, Aleqa Hammond oqarpoq.
Nunat Avannarliit ataatsimut oqaluttuarisaanermik peqatigaavut, taamaattumillu Nunani Avannarlerni suleqatigiinneq ingerlapparput, Naalakkersuisuni ilaasortat tamarmik iluaqutigalugu peqataaffigisassaat maanna naalakkersuisutut piffissap aallarnisarnerani. Nunat Avannarliit ilinniartitaanikkut sulisoqarnikkullu annertuunik misilittagaqarput, uagut iluaqutigalugit atorsinnaasatsinnik” Aleqa Hammond naggasiivoq.