Nunani Avannarlerni naasut uumasullu ikiliartuinnarput

Nunani Avannarlerni pinngortitaq sanaartofiunngitsoq annikilliartorpoq, nalunaarusiami nutaami Nunani Avannarlerni Ministerrådip aningaasaliiffigisaani tamanna ersersinneqarpoq.
Allattoq Lotte Holm
marsip 12-at 2009 08:22

Nalunaarusiami ippassaq saqqummiunneqartumi ersersinneqarpoq asimi pinngortitaq sunnerneqanngitsoq minneruleriartortoq, tassa nunaateqarnerup, aqqusinniornerup illuliortiternerullu kingunerisaanik.

- Nalunaarusiatsinni oqaatigineqarpoq, Nunani Avannarlerni naasut uumasullu assigiinngiiaartut ikiliartornerat sivisuumik ingerlareersoq, 1990-imiit sukkatsikkiartulersimasoq. Taamatut ineriartornerup kinguneranik nunat tamalaat uumassutillit assigiinngiiaarnerisa ikiliartornerisa 2010-mi unitsinneqarnissaanik suliniutaat, Nunanit Avannarlernit malinneqarsinnaanavianngitsoq, Bo Normanderip oqaatigaa. Pitsanngoriartoqarsimavorli. Orpippassuaqarfiit annertuserialaarsimapput, tamannalu naasut uumasullu assigiinngiiaarnerannut pitsannguallatsitsivoq.

Nalunaarusiami oqaatigineqarpoq, nunani avannarlerni pinngortitamik nakkutilliineq eqqummaariffigineqarnerusariartoq pitsaanngitsumik ineriartorneq unitsinneqassappat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq