Nunani avannarlerni juullisiut nuannarineqarnerpaaq tusaajuk

Nunani avannarlermiunit sorliit decembarimi tusarnaarneqarnerusarpat? Nunani avannarlerni ilisimatusarnikkut misissuisoqarfiup Nordregiop tamanna akissutissarsivaa.

Nipilersukkat aalajangersimasut juullerpalaartut decembarip qaammataani tusarnaarneqartarput. 

"Wham"-ikkut nunarsuaq tamakkerlugu tusaamaneqarluartut juullisiutaat "Last Christmas" nunani avannarlerni juullilernerani appisimaarneqartaqaaq. Ilaasa nalunngilaat. Ilaasa immaqa tusaanikuunngilaat ilaasaluunniit immaqa nuannarinngilaat.

Nunatsinnili appisimaarneqarpallaanngilaq.

Nunani avannarlerni ilisimatusarnikkut misissuisoqarfiup Nordregiop misissuinermini tamanna paasivaa.

Nordregio Whamikkut atugaat nunani avannarlerni nipilersukkanik aallertarfimmi Spotifyimi tusarnaarneqarnera googlekkullu ujarneqarnera aallaavigalugit kisitsivoq.

AAMMA ATUARUK Nunatsinni nipilersortartut nunanit allanit alaatsinaanneqartut

Nipilersugarlu Sverigemi Jämtlandimi tusarnaarneqarnerpaavoq.

Taavalu aamma Sverigep saniliani Norgemi tusarnaarluarneqartaqaaq.

Kisianni Nunatsinni Savalimmiunilu qassit tusarnaartarneraat kisitsisaatigineqanngilaq. Taamaakkaluartoq Nordregiop nunat taakkua appasinnerpaamik inissippai.

Whamikkut atugaat "Last Christmas" KNR-imi decembarimi pingasoriaannarlugu appinneqartoq, KNR-ip kisitsisaataani takuarput.

Sverigemili Spotify atorlugu millioneriarlugu decembarimi ullut arfineq-marluk siulliit appinneqarsimavoq.

Isumaqanngilarli nunatsinni nipilersornikkut juullerpalaanngitsugut. Nunatsinnimi juullerpalaartunik nipilersugaateqarpugut, KNR Radiukkullu qaammammi uani appinneqarnerpaaq tassaavoq Per Berthelsenip atugaa Juullimi Pilluaritsi, taannalu katillugit qulingiluariarlugu maani appipparput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!