Nunani allaniittut aamma taasissapput

Novembarip ulluisa 25-anni namminersorneq pillugu taasisitsisoqalerpat, inuit nunatsinni najugallit kisimik taasitinneqarnavianngillat. Aamma kalaallit ilaat Danmarkimi nunanilu allaniittut nuliaat imaluunniit uii ilanngullutik taasinissamut periarfissaqarput.
Allattoq Jaaku Lyberth
septembarip 17-at 2008 05:30

Tamatumani ilaatigut pineqarput, ilinniagartut aammalu nunarput sullillugu nunani allani sulisut kiisalu Købehavn-imi napparsimavissuarmi Rigshospitalimi uninngasariaqartut.

Tamatumanili piumasaqaataavoq, novembarip 25-at sioqqulluarlugu nunatsinni kommunimut najugarisimasamut, inuit aqqisa allattorsimaffiannut allakkatigut qinersisinnaasut allattorsimaffiannut ilanngunneqarnissamik qinnuteqarnissaq.

Tamatuma kingornagut allakkatigut taasisoqarsinnaassaaq – allakkatigut taasisoqarsinnaalissaaq taasinissaq sapaatip-akunnerinik arfinilinnik sioqqullugu – tassa oktobarip 14-anniit.

Taaneqartut saniatigut aamma piumasaqaataavoq, nunatsinniit nuunnissaq sioqqullugu nunatsinni sivikinnerpaamik ukiuni marlunni inuit aqqisa allattorsimaffianni allassimanissaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq