Nunamut akileraarut naaggaarpaat

Siunnersuut Inatsisartunit akuerineqassappat isertitat Nunatta karsianut taamaallaat nakkartassapput, tamannalu Kommuneqarfik Sermersuumit iluarineqanngilaq.

- Tamakkiisumik isertitanit akileraarusiisalernissami kommunit isertitatigut akileraarusiisarnerinik tunngavia innarlerneqassaaq, tassami pisortaqarfiit suliassatigut agguataarinninnerup tungaatigut allannguivigineqartussaanngimmata, kommunalbestyrelsi tunngavilersuummini ilaatigut taama allappoq.

Isertitanit tamanit kommuuninut ataatsimoorussamik akileraarusersuisarnerit attatiinnarneqassasut KANUKOKA-mit aamma inassutigineqarpoq, taakkununngalu ilaapput nunatta avataanit suliartortut isertitaannit akileraarusersuisarneq.

Kommunit sisamaasut ataatsimoorlutik KANUKOKA-p akissuteqaatissaanik allannissaat kommunalbestyrelsemit aamma inassutigineqarpoq.