NunaMineralsip pisortaanera atorfimminit tunuarniuteqarpoq
Ole Christiansen soraarniarnermini qaammatini aqqaneq-marlunnik sivisussuseqartussami ingerlatseqatigiiffiup pisortaaneratut ingerlaannassaaq, taamaalillunilu siulersuisut allatut isumaqatigiissuteqarfigineqanngippata 2016-imi februaarip aallaqqaataani atuutilersumik suliunnaavissalluni.
AAMMA ATUARUK NunaMinerals A/S-ip siunissaa ullumi aalajangiiffigineqassaaq
Ingerlatseqatigiiffiup aningaasaqarniarnikkut maanna inissisimanera, ingerlatseqatigiiffiup januaarip 29-iani 2015-imi immikkut ittumik ataatsimeersuarnerani ilisimatitsissutigineqartoq, kiisalu Namminersorlutik Oqartussanit Greenland Holding A/S-imiillu taarsigassarsiarineqartut 2015-imi januaarip naanerani akiligassat, piffissami maannakkorpiaq sivitsorneqarsimannginnerat siulersuisunit aamma innersuussutigineqarput.
Ingerlatseqatigiiffiup maanna inissisimanera siulersuisunit nalilersuiffigineqarpoq qanorlu aalajangiiffigineqassanersoq piaartumik nalunaarutigineqassalluni.
