NunaMineralsip aktiaatini 13 millionilerlugit tunivai
- Gultip nunarsuarmi naligata qaffasinnera aktianik tunisinermi isertitsivigineqarluarsinnaanera isiginiarneqartoq, Nuna Mineralsimi pisortaq, Ole Christiansen oqarpoq.
Aktianik tunisinerup saniatigut Nuna Mineralsimiit Nalunaq Gold Minemut aningaasat atukkiunneqarsimasut utertinneqassapput, taamaasillunilu NunaMineralsimi aningaasaqarniarnikkut naatsorsuutaasut 25 millioni koruuninik pitsanngoriaateqassapput.
-Malinnaasimasut nalussanngilaat, Nalunaq Gold Mine uagut nassaarinikuugipput, aamma ukiuni pingasuni sisamani kingullerni tunisassiorneq ingerlanneqarsimavoq, tassani amigartooruteqarluni ingerlasimalluni, Ole Christiansen oqarpoq. Nassuiaallunilu siunissami gultip akia ilisimaneqanngimmat, taavalu ukiorpaaluit suli ingerlareerpata, Nalunaq Gold Minemi sinneqartoorsinnaaneq utaqqineqassammat, periarfissaq una, Gultip akigissaarnera Kiisalu suleqatimik, Crew Cold Coorporationip, siunissamut isumalluartut isumaqatiginerasigut aktianik tunisisimallutik.
