Inuussutissarsiutit

NunaMineralsip akiliisinnaajunnaarnera sivitsoqqinneqarpoq

Aatsitassarsioqatigiiffiup NunaMinerals A/S-ip akiliisinnaajunnaartutut nalunaarutigineqarnerata atuuttussaanera sivitsoqqinneqarpoq, suliffeqarfiullu annaanniarneqarnissaanut piffissaq taamaasilluni sivitsorneqarluni.

Allattoq Karsten Sommer

januaarip 19-at 2016 09:06

Nutserisoq Mads Lynge

Kalaallit Nunaanni Eqqartuussivik ullaaq manna taama nalunaaruteqarpoq.

- NunaMinerals A/S-ip akiliisinnaajunnaartutut nalunaarutigineqarnerata atuuttussaanerata 2016-imi februaarip 29-ata tungaanut sivitsorneqarnera, Kalaallit Nunaanni Eqqartuussiviup aalajangerpaa, Kalaallit Nunaanni Eqqartuussivik taama nalunaaruteqarpoq.

Aatsitassarsioqatigiiffiup akiliisinnaajunnaarneranut piffissap sivitsorneqarnissaa, NunaMineralsimik piginnittut Tuluit Nunaanneersut kissaatigisimavaat.

NunaMineralsip akiliisinnaajunnaarnera kingullermik siorna decembarip ulluisa 19-ianni sivitsorneqarpoq.

Aamma atuaruk NunaMinerals akiliisinnaajunnaarnissamik nalunaaruteqarnissaq kinguartippa

Suliffeqarfiup annaanniarneqarnera ukioq ataaseq sinnerlugu sivisussuseqarpoq.

NunaMinerals A/S-ip aktiaataasa nalingi 0 koruuninngortinneqarnissaat, suliffeqarfiup siulersuisuisa siorna januaarip 19-ianni aalajangerpaat.

Suliffeqarfiullu akiliisinnaajunnaarnini qaammatit sisamat qaangiummata, tassa 2015-imi apriilip ulluisa 15-ianni nalunaarutigaa.

Aamma atuaruk NunaMinerals nunanit allamiunit pigineqalerpoq

Akiliisinnaajunnaarneq kingorna sivitsorneqaqattaarpoq, maannalu tassa sivitsoqqinneqarluni, piginnittullu suliffeqarfimmik annaassiniarnerat nanginneqarsinnaanngorluni.