NunaMineralsip akiliisinnaajunnaaqqanera qulingiluassaanik sivitsuiffigineqarpoq
Aatsitassarsiortitseqatigiiffiup akiliisiinnajunnaartutut nalunaarutigineqarnera siusinnerusukkut sivitsorneqaraangat qaammatialunnik ilaatigut sivitsorneqartarpoq, Kalaallit Nunaannili Eqqartuussiviup sivitsuinera maanna sapaatip-akunneranik taamaallaat sivisussuseqarpoq.
Aamma atuaruk NunaMineralsip akiliisinnaajunnaaqqanera arfineq-pingajussaanik sivitsuiffigineqartoq
Kingullermik sivitsuisoqarmat ukioq manna marsip ulluisa aqqarnanni tamanna pivoq, apriilillu ulluisa 14-iannut taamanikkut sivitsorneqarluni, tassa ippassamut atuuttussatut sivitsorneqarluni. Maanna taamaallaat sapaatip akunneranik ataatsimik sivitsuisoqarpoq, matumuuna tallimanngornermi apriilip ulluisa 22-ata tungaanut sivitsuisoqarluni, tassa Tussiarfissuarmut.
Suliffeqarfiup kissaataa aallaavigalugu akiliisinnaajunnaarnermut nalunaarut sivitsoqqinneqarpoq.
Aamma atuaruk Nunaminerals pisortartaarpoq
Suliffeqarfiup akiliisinnaajunnaartutut nalunaarutigineqarnerata sivitsoqqinneqarnera, naak sapaatip-akunnerata ataatsimik tamatumuuna sivitsorneqaannaraluartoq, suliffeqarfiup annaanneqarsinnaaneranik takussutissaasinnaavoq, suliffeqarfiulluunniit siunissaa qanoq ittuussanersoq paasinarsiartulersoq.
Aamma atuaruk NunaMineralsimi kinguaattoorneq eqqartuussissuserisup uissuummissutigaa
Aamma atuaruk NunaMineralsip akiliisinnaajunnaarnera sivitsoqqinneqarpoq