Lønmodtagernes Dyrtidsfondti, LD, Aatsitassarsiorfimmi, NunaMineralsimi, piginneqataalissaaq.
LD Namminersornerullutik Oqartussanut isumaqatigiissuteqarpoq ima imaqartumik, Namminersornerullutik Oqartussat piginneqataassutsiminni 50 procent ataatissagaluarpassulluunniit, LD-mik isumaqatigiissuteqarnertik pissutigalugu aatsitassarsioqatigiiffimmi oqartussaaqataanertik attatiinnassagaat.
Aningaasaliinissamut isumaqatigiissummi LD minnerpaamik 17,3 procentimik piginneqataassuteqalissaaq.
NunaMineralsip ukiup ataatsip aingerlanerani aatsitassarsiornerit marluk aallartippai, tassa gultisiorneq Olivinisiornerlu.