Nunaminerals siumukarpoq
Namminersornerullutik Oqartussat aatsitassarsioqatigiiffimmi Nunamineralsimi aktianik piginneqataasutaat aktianik tuniniaanermi kingullermi ikileriarput, kisianni taamaakkaluaq Namminersornerullutik Oqartussat piginneqataassutaat allat piginneqataassutaannit tamanit suli amerlanerupput, siornatigulli 76%-iugalarlutik maanna 61%-iinnanngorput. Piginneqataasunut inuinnarnut naleqqiullutik Namminersornerullutik Oqartussat aktianik tuniniakkanik pisiakinnerusimapput.
Nunaminerals aktiaatilinik nutaanik 500-nik ilaqalerput, tassa tuniniaaneq sioqqullugu amerlassusii marloriaatinngorlutik, 18 million kronenik aningaasartalimmik.
Aningaasat pissarsiat Nuup Kangerluani Qeqertarsuarmi kuultimik ujarlernissamut atorneqassasut Nunamineralsip siulersuisuisa siulittaasuat Ove RosingOlsen oqarpoq.
Taamaalilluni neriuutigineqarpoq tamatumuunakkut kalaallit kisimik pigisaannik nutaamik kuultisiorfeqalissasoq.
Qeqertarsuaq Nunamineralsip ingerlatsiviginiaagaanit
neriulluarnarnerpaajuvoq 100%-millu Kalaallit Nunaanni najugalinnit pigineqarluni, Ove Rosing Olsen allappoq.