Nunamik atuinermut tunngatillugu iliuusissanik ujartuisut
Inuit 16-it tamarmik assigiinngitsunik suliaqartut tunuliaqartullu, soorlu palasi, piniartoq, ilinniartitsisoq, itsarnisarsiooq nunamik atuineq pillugu Avatangiisinut Pinngortitamullu Pisortaqarfiup aaqqissugaanik isumasioqatigiileruttorput.
Peqataasut ilaat Itsarnisarsiooq Pauline Knudsen nunamik atuinerup allanngoriartorneranik ima nassuiaavoq:
- Nuna piniarnermut qanga atorneqarnerusarsimavoq, aatsitassarsiornermullu takornarianillu maanna atorneqarnerusalersimalluni, itsarnisarsiooq Pauline Knudsen oqarpoq, nunamillu atuinerup allanngornerata kingunerisaanik iliuusissanik nutaanik ujartuilluni.
Piniartoq outfittererlu Johanne Bech nunamik atuinerup allanngornerata kingunerisaanik nutaamik iliuuseqartoqarnissaa ujartorpaa:
- Takornarissat amerliartorput. Nunamik atuisuusugut amerliartorpugut, taamaammat nunamik atuinermik iluarsaassinermut tunngatillugu iliuuseqartariaqalerpugut. Umiarsuit nuannaariartaatit tikittalernikuupput, eriagisassallu soorlu immap uumasui ajoquserneqassanngippata umiarsuit tikittartut qanoq iliornikkut killilersorsinnaanersut qulaajarneqartaiaqarpoq, Johanne Bech oqarpoq.
Isumasioqatigiissitsinerup inerneri katersoriarlugit aallakaatitassiarineqassapput soorlu HTX-imi ilinniartitsinermi atorneqarsinnaasunngorlugit, kiisalu nunaminertamik atuinermut inatsit allanngortinneqalerpat tunngavigineqarsinnaajumaarlutik.
