Nunami angalasoq periarfeerukkaluartoq

Issittumi Sakkutooqarfik pinngortitami angalaartumik marlunngormat ujaasipput. Sakkutooqarfiup Facebookikkut nittartagaani taama ilaatigut allaaserinnittoqarpoq.
Allattoq Mads Lynge
juulip 14-at 2017 07:55

Kalaallit Nunaanni Politiit pinngortitami angalaartunit marlunnit kalerrinneqarput. Taakku Kangerlussuarmit Sisimiunut angalaartillutik pingajuat periarfeerunneqarpoq. Angalaartut politiinut taama ilisimatitsipput.

Kalaallit Nunaanni Politiit ikioqqullutik Issittumi Sakkutooqarfimmut kingorna saaffiginnissuteqarput ujaasinermut atatillugu ikiorneqarnissartik kissaatigalugu. Illersornissaqarfiup timmisartua Challenger piffissap taamaalinerani tamaaniippoq, ujaasinermullu atorneqarluni.

Qulimiguulik S-61 aamma Kangerlussuarmiippoq taannalu aamma atorneqarluni. Angalaartut marluk ikineqarput, pingajuallu kingorna ujaarineqalerluni.

Maqaasineqartoq Challengerimit takuneqarpoq, qulimiguulillu kalerrinneqarpoq maqaasineqartorlu orninneqarluni.

Maqaasineqartoq ajunngitsoq nassaarineqarpoq, angalaartullu Sisimiut tungaannut angalaarnertik kingorna taava nangippaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq