NunaFondenip Pan Am aningaasaleeqataaffigaa

Assammik arsarluni Pan Am-ertoqarnissaanut aningaasaliissutit suli naammaqqajanngitsut, KNR-imi qaammatip ataatsip matuma siornatigut oqaluttuaraarput..

Unammersuarnissalli qanilliartortillugit isumalluartoqarnerulersinnaavoq, Assammimmi Arsartartut Kattuffiata maanna nalunaarutigaa 1 millionit koruuninik aningaasaleeqataasussamik isumaqatigiissusiorsimallutik.

AAMMA ATUARUK Pan Am kan ende som en stor fiasko

Naallu isumaqatigiissusiortut tusagassiutinut nalunaarummi oqaatigigaluaraat aningaasat pissartanngorniunnissamut atorneqartussat 15 millionit koruunit missaasa amerlanersaat qulakkeerneqareeraluartut, aningaasaliisussanik annertuumik pisariaqartitsisoqartoq oqaatigaat.

Unammersuarnernut aningaasaliissutit ilaat unamminerit 42-t internetikkut TV-kkullu aallakaatinneqarnerannit isertitsiffiussasut suliniummi aqutsisoqatigiiaat nalunaarutigaat.
Pan Am-imik taallugit Amerikap nunavittaani assammik arsarluni unammersuarnerit Nuummi aappaagu juunip ulluisa 15-iannit 25-ata tungaanut pisussatut pilersaarutigineqarput.

AAMMA ATUARUK Amerikap nunavittaani 2018-imi unammersuarnerit Nunatsinni ingerlanneqartussaasut