NunaFondenip aningaasaliissutai marloriaatinngortinneqarput

Nunarsuarmi aningaasarsiornikkut ajornartorsiutit qaangeriartuaarneqarnerat aningaasaateqarfiup NunaFondenip aningaasaliisarneranut sunniuteqarput. Tapiisarnerit aappaagu maajip ulluisa 31-annut marloriaatinngortinneqarput. Taamaasilluni 3,8 millionit koruunit pilersaarusianut assigiinngitsunut tapiissutigineqassapput.
Allattoq Mads Lynge
januaarip 17-at 2010 16:59

Aningaasaateqarfiup isertitai, aningaaserivinnik piginneqataassutineersuummata, aningaasaateqarfiup siorna naatsorsuutigaa, ukiuni tulliuttuni marlunni isertitaqartussaanani, tassami ukiuni tulliuttuni marlunni Grønlandsbanken piginneqataasunut aningaasanik tunniussisussaanngimmat.

Aningaasallu 1,9 millionit koruunit tapiissutitut tunniunneqarnissaat siunniunneqaraluarluni.

- Grønlandsbanki Bankpakke 1-imik taaneqartartumut taamaallaat ilaavoq, taannalu aappaagu naappat aktianit iluanaarutissaqarnissarput naatsorsuutigaarput, NunaFondenimi siulittaasoq Juliane Henningsen oqarpoq.

Tv-kkut juullimut mappersakkaliortoqarnissaanut unammisitsinissamut aningaasaateqarfiup ilaatigut isumaginiarpaa.

Meeqqat inuusuttullu qitiutillugit pilersaarusiat NunaFondeniminngaanniit aamma tapiiffigineqassapput, soorlu aamma kalaallit oqaasii atorlugit atuakkiat, filminut piorsarsimanermullu assingusunullu tunngasut, oqallitsitsinerit, saqqummiussinerit, paasititsiniaanerit, timersorneq, meeqqallu timersornerat tapiiffigineqassallutik.

- Nuannaarutigaarput taama aningaasaliisinnaagatta, isumalluarnermik aamma nassataqartarmat. Tapiiffigineqartussat pillugit akuersiniarnermi qinnuteqaatit ataasiakkaarlugit soorunami nalilersortassavavut, Juliane Henningsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq