NunaFonden Nuummi uumasut nakorsaannut tunissuteqartoq
![](/sites/default/files/styles/image_934x467/public/article_images/hund_og_kat_2.jpg?itok=anFPchOy)
Uumasut inuttaqanngitsut angallannermi ajoqusersimasut, allatulluunniit nalinginnaasumilluunniit ajoqusersimasut uumasut nakorsaannit passunneqarsinnaalernissaat NunaFondenip aningaasaliineratigut qulakkeerneqarpoq.
Peqatigiiffiup Nuummi Uumasut pingaarnertut siunertaa tassaavoq Nuummi uumasut nakorsaannik peqalernissaa.
Uumasunut passussivik Donnas Dyreklinik, tassa Donnap Uumasunut Nakorsiartarfia, peqatigiiffimmit siorna 2014-imi maajimi ammarneqarpoq, uumasullu nakorsartinneqarnissaannut piffissat inniminnerneqarsimasut imaaginnavissimapput, ulapputtoqarsimalluni.
- Uumasut 550-it missaanniipput, tassalu qaammatini arfineq-pingasuni ammanermi, Nuummi Uumasut siulersuisuisa siulittaasuat Tom Amtoft taama oqarpoq, nangillunilu:
- Aallartinniarneq aallartisarnerlu akisusimavoq, uagut assut nuannaarutigaarput NunaFondenip tapersermatigut, tamanna uagutsinnut ima periarfissanik ammassivoq, tassa uumasut inunnik pigineqanngitsut ajornartoorsimasut ajoqusersimasullu aamma nakorsartinneqarsinnaalernerannik, Tom Amtoft, tusagassiuutinut nalunaarummi ilaatigut taama allaaserisaqarpoq.