NunaFond-imiit aningaasaliiffigineqartorpassuit

Juullimut qilanaartuutissaqalerpugut ullunimi makkunani NunaFond nunatsinni tunissutissaminik agguaassivoq – pilersaarutit assigiinngitsut 72-t 4 million koruunit sinnilaarlugit naleqartut agguaaffigeqqammerpai.

NunaFond ukiumut sisamariarluni nunatsinni kulturimik suliniuteqartunut, timersornermi, inuussutissarsiornermi kiisalu ilisimatusarnermik suliniutinut aningaasanik agguaagaangami juulliararsiortitsisarpoq.

Nunatsinni suliniutit amerlasoorpassuit piviusunngortinneqartassanngikkaluarput aningaasaateqarfimmit aningaasalersorneqanngikkarluarunik.

Inuiaqatigiinni kalaallini isumassarsiat amerlaqaat ikittuinnaalli aningaasaliisoqaqqaarluni piviusunngortinneqarsinnaasarput.

Suliniutimmiuku suut piviusunngortinneqarniartut qilanaarutigisassarigivut ?

Ilulissani isiginnaartitsisartut Inuit Theatre-kkut Villads Villadsenip isiginnaagassiannik takutitsinissaannut 100.000 koruunit tunniunneqartussaapput. Aamma Silamiut isiginnaartitsisartoqatigiivisa ”Inuit oqaluttuaataannik” takutitsinissaat aningaasaliiffigineqarpoq aamma Det Kongelige Teater-ip Henrik Ibsenip isiginnaagassiaannik Katuami takutitsinissaminnut aningaasaliiffigineqarput.

Meeqqat atuagassaat arlallit Milik Publishing-imit saqqummersinneqarnissaannut meeqqat qilanaarsinnaalerput.

Nunatsinni nerisaqarnermut siunnersuisooqatigiit 100.000 koruuninik meeraaqqat nerisassat pillugit atuakkiaminnut atugassaminnik taperneqassapput.

NunaFondip tappiitsut isigiarsuttullu aamma eqqarsaatigisimavaa. Atlantic Music CD-inik sisamanik atuffassinermik imalinnik saqqummersitsinissaminut aningaasaliiffigineqarpoq.

Atuakkiortoq palasilu Otto Sandgreen pillugu filmiliaq Karsten Heilmann-imit filmiliarineqartoq aningaasaliiffigineqarpoq.

Tungutaq Larsen-ip videofilmiliaa ”De sidste åndemanere i Grønland” aamma aningaasaliiffigineqarpoq.

Kingulliullugu: Upernavimmi utoqqat illuanni najugaqartut nuannaarutissaqarput:

50.000 koruunit utoqqaat illuani siniffitoqqat ukiuni 20-ni atorneqarsimasut taarserneqarnissaannut aningaasaliisoqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat