Nunafond-i aningaasanik agguaavoq

Nuna fond-ip aningaasaliissutigisartagaanut ukioq manna qinnuteqartut 123-t naliliiffigineqareerlutik, aningaasat 11,7 million koruunit Nuna Fond-ip agguaattussanngorpai.

Qinnuteqartut 75-it tamakkiisumik ilaannakortumilluunniit tapiiffigineqartussatut aalajangiisoqarpoq, aningaasallu 2,2 million koruunit, eqqumiitsuliortunut, timersortartunut, isumaginninnermik sulialinnut, ilisimatusartunut allanullu kultoorilerinermut tunngasunik suliaqartunut aningaasat agguaanneqassapput.

Aasaanerani festivaleqartitsiniartut marluk, tassalu Uumannameersut Saqqameersullu tamarmik 50.000 koruuninik pissarsipput. Shakespearep isinnaartitsissusiaa ”Macbeth”, meeqqat atuarfiini Silamiut-nit takusassiarineqartussaq 100.000 koruuninnappoq. Savaateqarneq pillugu filmiliassaq 50.000 koruuninnassaaq.

Atuakkanik allallu atuagassianik saqqummersitsiniartut katillugit aqqaneq-marluk aamma aningaasanik pissarsitinneqarput. Ilaatigut aviisi atuagassiaq ”Kalaaleq” 75.000 koruuninik pissarsivoq.

Inunnik isumaginninneq eqqarsaatigalugu aningaasanik pissarsisunut ilaapput,Tasiilami ulloq unnuarlu angerlarsimaffik Prinsesse Margrethe-mi meeqqat. Meeqqat angerlarsimaffiata ukiunik 50-iliineranut atatillugu, meeqqanut angerlarsimaffimmiut aasaanerani angalanissaannut 50.000 koruunit aningaasaliissutigineqarput.

Aningaasaliiffigineqartut tamarmik takuniarukkit ataasinngorpamiit uunga nittartakkamut iserlutit takusinnaavatit www.nunafonden.gl

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat