Nunafond agguaavoq
Aningaasaateqarfik Nunafond 5½ mio.kroninik 70-nut assigiinngitsunut aningaasaliivoq.
Aningaasaliiffigineqarnerpaavoq Mikisoq Fond københavnimiittoq, taanna 1,3 mio. kroninik, multimediamik sulianut atorneqassallutik.
Kalaallit nunanni teknologimik suliallit ataatsimoorfiat INUTEK 300.000 koruuninnappoq avataarsuanut paasissutissiivimmik angallattagassamut atugassaat.
- Avataarsuanut paasissutissiivik pullattagaaniarpoq, ersersinniassallugulu qilammi ullorissat assiginngitsut taakulu aqqi, pullattagaq nunatsinni meeqqat atuarfiannut angallallugu atuartitsissutigineqartassaaq, aningaasallu aningaasaateqarfimmit pissarsinitsigut atortoq pissarsiarineqarumaartoq Janus Køster Inutekip allattoqarfianeersoq oqarpoq.
Nunafond assigiinngitsorpassuarnut aningaasaliivoq, issittumi naatsiivilerisartut 200.000 koruuninnapput kiisalu umimmaap meqquinik sinngup puuliap misilittarneqarnissaanut 10.000 koruunit aningaasaliunneqarsimapput.
