Nuna tamarmi internetteqanngitsoq

Tele-Post naapertorlugu teknikkikkut ippassaq unnukkut ajornartorsiuteqartoqalerpoq, internettilu attaveeruttalerluni. Datali nunatsinni tamarmi aatsaat ulloqeqqata-tungaani ingerlajunnaarpoq. Taamaammat internetti attaveeruppoq, SMS-inillu nassissisoqarsinnaanani.

Tele-Postip Danmarkimi attaveqaataata qitiusup ajoquteqarnera datap kipisaqattaarneranut pissutaasoq, taamaammallu internettimut attaveqaatit Canadamut immap naqqatigut kabelimut nuunneqartut, Tele-Post KNR-imut paasissutissiivoq.

Taamaattoqaraluartorli arlallit internettimut suli attavininngikkunik internettiat arriitsuararsuuvoq.

Oqarasuaatit oqarasuaatilluunniit angallattakkat atorlugit teknikkikkut atortorissaarutit ajornartorsiuteqarneranni sianertoqarsinnaavoq.

Ajornartorsiutit aaqqiiviginiarlugit ilungersorlutik, Tele-Postimit ilisimatitsipput.