Nuna tamakkerlugu nutaamik peqatigiiffiliortoqarpoq
Ineriartornermini akornutilimmut angajoqqaajulluni qanoq ippa? Pisariaqartitanik allanik peqarluni najugaqarfigisami inuunermut akuliunniarneq qanoq iliuuseqarfigineqarsinnaava? Innarluutilimmillu meeraqaraanni aporfiusinnaasut qaangerniarlugit qanoq iliuuseqartoqarsinnaava?
Allattoq Mads Lynge
Angajoqqaat nuna tamakkerlugu peqatigiiffiat Inooqat apeqqutit taakku akissutisiniarpaat.
Landsforeningen LEV i Danmark Inooqat aallartippaat. LEV i Danmark ineriartornermikkut akornutilinnut qanigisaanullu suliniaqatigiiffiuvoq, VILLUM FONDEN-imiillu aningaasalersorneqarluni.
Ineriartornermikkut akornutilimmut angajoqqaajusut katersuuffeqarsinnaanissaat pisariaqartinneqartoq, LEV-ip siulittaasuata Sytter Kristensenip oqaatigaa, ineriartornermikkut akornutillit pillugit suliniuteqartoqarsinnaanissaa pillugu nipi ersarissoq amigaataanerarlugu.
VILLUM FONDEN 6 millionit koruuninik aningaasaliisimavoq.