Nuna tamaat inerteqqutaasariaqarsorai
Siumut sinnerlugu Inatsisartunut ilaasortap Kristian Jeremiassenip siunnersuut tapersersorpaa, nunalu tamakkerlugu atuuttussamik siunnersuusiortoqarnissaa ujartorlugu.
- Isumaqarpunga tamanna siunniunneqartoq nuna tamakkerlugu naalakkersuinikkut aalajangiiffigisariaqaripput, Kristian Jeremiassen allappoq.
Inatsisartut suleriaasianni paragraf 37 naapertorlugu Naalakkersuisunut taamaammat apeqquteqaateqarpoq, nuna tamakkerlugu aaqqissuussamik taamaattumik Naalakkersuisut eqqussiniarnersut Kristian Jeremiassenip apeqquteqaatigaa.
Kommuneqarfik Sermersuumi atuarfeqarnermut pisortaq, Hans Peter Broberg, isumaqarpoq, mamakujuit sodavandillu takussaavallaartut, atuarfinnullu eqquteqqusaajunnaarnissaannut isuma taperserlugu.
Taassuma oqaatigaa mamakujuttutorneq sodavanditornerlu pissutigalugit sukkumik annertuallaamik timimiittoqalersillugu meeqqat aallaamalersartut, atuarnermi tamakkiisumik malinnaasinnaajunnaarlutik.