Illut arlallit nunap sisoornerani aseruatiterput, kisianni inunnik uumasunillu ajoqusertoqarsimanngitsoq, nutaarsiassaqartitsivik NTB allappoq. Assi: Birgitta Michal/flickr

Nuna sisooreersoq: Norgemi pisortaqarfik isumannaajaasoq

Norgemi nuna 40 meterisut qutsitsigisumiit sisoorpoq. Illut arlallit sisoorussaapput, illumiillu ataatsimiit annaassisoqarluni.

Norgep avannarpasissortaani illoqarfimmi Altami nuna pingasunngormat sisoorpoq. Nunalli sisooqqinnissaa ilimanarpianngilaq.

Norgemi illoqarfimmi nuna 40 meterisut qutsitsigisumiit pingasunngormat ualikkut sisooreersorlu, norskit nukissiuuteqarnermut pisortaqarfiat taama ilisimatitsivoq.

Nunamillu sisoorfiusoq eqqaalu maanna misissorneqarlutillu isumannaajarneqareersut, Norgemi nukissiuuteqarnermut pisortaqarfiup ilisimatitsissutigigaa.

Illut arlallit nunap sisoornerani aseruatiterput, kisianni inunnik uumasunillu ajoqusertoqarsimanani.

Illut marluk, illuaraq ataaseq, umiatsiat quillu tamatumalu saniatigut biilit ataatsit nunap sisoornerani avalagussaasimapput. 

Nutaarsiassaqartitsivik NTB taama allappoq.

Nuna sooq sisoornersoq paasianiaqqissaarneqassasoq

Politiit inuk ataaseq illumiit annaassimagaat, illulu suli tassaniittoq, Finnmarkimi politiit upalungaarsimasuisa aqutsisuat, Torfinn Halvari, NTB-mut oqarpoq.

Illut arlallit immami puttasut illullu allat sisoorussaasut, nunap sisoornerani immiussami youtubemiittumi takuneqarsinnaapput.

- Nuna sisoormat susoqarsimanersoq nunalu sooq sisoornersoq paasiniaqqissaassavarput, Norgemi nukissiuuteqarnermut pisortaqarfiani pisortaq Knut Aune Hoseth NTB-mut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat