Nuna sajuppoq
juulip 17-at 2006 10:54
Indiap imartaani, Java-p Sumatrallu eqqaani, nunap sajunnera malerujussuarmik Indonisiap sineriaanut aallartitsivoq.
Ikinnerpaamik inuit tallimat toqupput, akunnittarfiit marluk, illorpassuillu sequmillutik, malerujussuup 2 meterisut portutigisup, indonisiami qeqertaq Java eqqormagu.
Nunap sajunnera malerujussuarmik aallarniisitsisoq richter-ip uuttuutaa malillugu 7,2-sut sakkortussuseqartoq, nutaarsiassaqartitsivik AP taama allappoq.
Javap eqqaani nunap sajunnera maajimi pimmat, inuit 5.800-it toqunerannik kinguneqarpoq.
